Hoxe é o Día Internacional da Muller Traballadora, tamén chamado Día Internacional da Muller. Conmemórase a loita da muller pola súa participación, en pé de igualdade co home, na sociedade e no seu desenvolvemento íntegro como persoa. Celébrase o día 8 de marzo. É festa nacional nalgúns países.
Hai dous anos publiquei un post sobre as mulleres e a ciencia. Recollíanse estes datos que practicamente non cambiaron desde a súa publicación.
A porcentaxe de mulleres en idade de estudar que rematan un ciclo de educación universitaria alcanza o 91% en España, moi por riba do 74% no que quedan os homes.
Con todo, no ámbito da investigación post-universitaria -tanto do eido público como privado-, as mulleres ocupan un espazo moito menor que o dos seus compañeiros: só un 38%.
A Comisión Mulleres e Ciencia elabora con regularidade informes sobre a distribución por sexo do persoal do CSIC [Consello Superior de Investigacións Científicas] nas súas diferentes categorías, así como propostas destinadas a promover o ingreso e a promoción das mulleres no CSIC.
Tomo prestadas do último informe de 2015 algunhas gráficas que considero reveladoras e que non necesitan comentarios.
