Dimite un Nobel polas súas críticas machistas ás mulleres científicas

Ser billante en algo non te vacina contra a estupidez. Acontece na arte, onde un pintor ou un escritor poden ter unha vida persoal criticable. E tamén pode suceder na ciencia. É o caso de todo un premio Nobel, o científico inglés Tim Hunt, premio Nobel de Fisioloxía e Medicina no 2001, que vén de dimitir do seu cargo no University College London (UCL) polos seus comentarios sobre o comportamento das mulleres no mundo da ciencia.
“Déixenme que lles conte o meu problema coas rapazas -declarou na conferencia o Nobel de 72 anos-. Pasan tres cousas cando están no laboratorio: namóraste delas, elas namóranse de ti e, cando as criticas, choran“, foron as palabras de Hunt e que provocaron a súa dimisión. Nun comunicado, a universidade explica que Hunt “deixou o seu posto como profesor honorario tras os comentarios que fixo sobre as mulleres na Conferencia Mundial de Xornalistas de Ciencia o 9 de xuño” en Corea do Sur. “UCL foi a primeira universidade en Inglaterra en admitir mulleres en termos de igualdade cos homes e a universidade cre que este desenlace se axusta ao noso compromiso coa igualdade de xénero“, sinala a nota.

Hunt recoñeceuse como ‘machista’ e dixo que quería ser gracioso

Os comentarios de Hunt, polos que o científico se desculpou onte -aínda que mantivo o seu contido-, suscitaron un aluvión de críticas de científicas e institucións de investigación. A Royal Society, prestixiosa asociación científica británica da que Hunt é membro dende 1991, tamén se distanciou dos comentarios.
Hunt explicou a BBC que as súas afirmacións pretendían ser graciosas, aínda que recoñeceu que cometeu “unha estupidez” ao dicilo en presenza de tantos xornalistas. “Subscribo a parte dos problemas coas rapazas. É verdade que a xente… eu namoreime nun laboratorio e namoráronse de min e é moi perturbador para a ciencia porque é moi importante que nun laboratorio a xente estea en termos de igualdade”, xustificou. “Estes enredos emocionais fan a vida moi difícil”, aseverou o científico, que lamentou se “ofendera” e dixo que só intentara “ser sincero”. O premio Nobel describiuse a si mesmo como «machista» na conferencia e avogou por separar homes e mulleres nos laboratorios.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Quiñón, serventía, choupín… Unha escolma de termos para reivindicar a ciencia en galego

A UVigo publica un mini-dicionario de palabras enxebres relacionadas co ámbito xurídico, medio ambiental e micolóxico

Tres grandes factores de risco de infarto en mulleres novas (segundo científicos galegos)

Os antecedentes familiares, os niveis altos de colesterol e a depresión están relacionados cunha maior probabilidade de doenzas cardíacas

21 científicas galegas que tes que coñecer

Non están todas as que son, pero aquí hai 21 científicas galegas que marcan o camiño da excelencia investigadora

Visitas a centros de referencia e máis de 60 relatores: o evento que impulsa o investimento en ciencia

O evento celebrarase en Santiago os días 19 e 20 de febreiro e brindará a oportunidade de coñecer casos de éxito e tendencias de investigación