Explicación: non, este non é un bo xeito de chegar á Lúa. O que se fotografou é unha superposición casual dun avión maila Lúa. Normalmente, o ronsel aparecería branco, pero o gran volume de aire cara o Sol poñéndose desvía sobre todo a luz azul, dándolle ao ronsel reflectido un brillante ton vermello. Afastado na distancia, á dereita do avión, está o crecente lunar. Este mundo enorme amosa só unha tallada porque o Sol está case aliñado por detrás. A fotografía publicada, captada hai dúas semanas, estivo enmarcada por un misterioso ceo marrón, moi afastado do día para ser azul, moi afastado da noite para ser negro. Nuns minutos o improvisado espectáculo do ceo rematou. A avión atravesou a Lúa, o ronsel esparexeuse, o solpor chegou, a Lúa púxose. O ceo virou a negro, só para desvelar milleiros de estrelas que foran demasiado febles para seren olladas ao través do rústico veo vermello.
Charla: APOD da NASA 2016, un ano de astronomía en galego. Sábado 21 de xaneiro de 2017 en Ourense, no Ateneo (Av. Habana, 25), ás 20:00 horas.