Nube cósmica de gas e po W33

Bólas amarelas en W33

Nube cósmica de gas e po W33

Créditos da imaxe: NASA/JPL-Caltech.

Explicación: as lonxitudes no infravermello de 3,6, 8,0 e 24,0 micras olladas polo Telescopio Espacial Spitzer están cartografadas nas cores visibles vermella, verde e azul nesta imaxe abraiante. A nube cósmica de gas e po é W33, un complexo de formación de estrelas masivas a uns 13.000 anos luz de distancia, preto do plano da nosa galaxia Vía Láctea. Entón, que son esas bólas amarelas? Os científicos cidadáns do proxecto Vía Láctea baseado na web atoparon esas características denominadas bólas amarelas mentres revisaban moitas imaxes do Spitzer e preguntaron insistentemente aos investigadores. Agora hai unha resposta. Identíficanse as bólas amarelas nas imaxes do Spitzer coma un estadío temperá da formación de estrelas masivas. Aparecen amarelas porque hai rexións superpostas de vermello e verde, as cores asignadas que corresponden co po e as moléculas orgánicas coñecidas coma PAHs nas lonxitudes de onda do Spitzer. As bólas amarelas representan a etapa anterior a que as estrelas masivas recén nadas baleiren os seus arredores de gas e po e aparecen coma burbullas de bordo verde con centros vermellos na imaxe do Spitzer. Como é natural, a historia de éxito desta colaboración pública astronómica é só parte do Zooniverse. A imaxe do Spitzer abarca 0,5 graos ou uns 100 anos luz á distancia estimada de W33.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.