Venres 29 Marzo 2024

Estas tatuaxes avisan dunha enfermidade ao cambiar de cor

Científicos alemáns proban en pel de porcos un sistema que pode controlar en tempo real posibles alteracións e doenzas

Para persoas que padecen doenzas crónicas como a diabetes é moi importante ter controlados en todo momento os niveis de glicosa. E pensando nisto, un equipo de investigadores liderado polo enxeñeiro químico Ali Yetisen, da Universidade Técnica de Múnic, acaba de idear unha especie de tatuaxes que poden actuar como biomarcadores en tempo real, ao mudaren de cor en función dos niveis de glicosa, albumina ou pH.

Explican os seus avances nun artigo da revista Angewandte Chemie, onde expoñen que por agora as tatuaxes non se probaron en pel humana, senón en tecido de porcos, pero os resultados apuntan cara ao optimismo na utilidade destes métodos. “O uso de pigmentos na pel é un hábito que ten máis de 4.000 anos (…). Aquí desenvolvemos unha tecnoloxía cosmética e funcional que combina a arte das tatuaxes e os biosensores colorimétricos”.

Publicidade

Deste xeito, os investigadores alemáns conseguiron que estes sensores “funcionen como ferramentas de diagnóstico a través dos cambios de cor no espectro visible en resposta ás variacións de diferentes indicadores”. Os tres biomarcadores foron elixidos porque son mostra de diversos problemas de saúde: a albumina, unha proteína do plasma sanguíneo, pode indicar problemas de ril ou fígado cando está en niveis baixos, e os niveis altos poden revelar problemas de corazón. Pola súa parte, a glicosa é un indicador claro da diabetes, e os cambios nos niveis de pH (acidose e alcalose) poden ser causados por unha ampla gama de problemas que tamén precisan da atención médica.

Así, para cada un destes casos desenvolveronse tatuaxes que poden detectar variacións nos fluídos intersticiais. Cando estes niveis mudan, as cores tamén cambian. Por agora, só se utilizou en mostraxes de pel porco, pero a idea é probalo tamén en humanos. O seguinte paso, por agora, é intentalo en modelos animais vivos, para ver se estas tinturas causan reaccións adversas.

Esta liña de traballo, que xa abriron en 2017 cunha investigación semellante nun equipo do MIT, está aínda nunha fase primaria, pero podería ofrecer importantes avances na medicina personalizada, e ampliarse a máis indicadores. “As aplicacións dos sensores poden estenderse á detección de electrolitos, proteínas ou microorganismos patóxenos”, expoñen.

Referencia: Dermal Tattoo Biosensors for Colorimetric Metabolite Detection (Publicado en Angewandte Chemie).

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Sanidade ordena a retirada dun coñecido fármaco para a diabetes

A AEMPS comunicou que os motivos se relacionan por un defecto de calidade que “non supón un risco vital para o paciente"

Un novo test de saliva detecta o cancro de mama en só cinco segundos

Un equipo internacional identifica os tumores de maneira máis rápida, barata e precisa que os sistemas tradicionais

Traballar con cadáveres na ciencia: así funcionan as doazóns en Galicia

Os expertos piden un marco legal específico na materia despois de que saltasen as alarmas pola trama de tráfico ilegal de corpos en Valencia

África González: "Estamos moi cerca da cura de doenzas autoinmunes"

Os científicos ven posibles as terapias que restauren a tolerancia inmune en enfermidades como diabetes ou lupus