Este efecto explica por que podes ‘escoitar’ imaxes silenciosas

Un novo estudo explica a Resposta Auditiva Evocada Visual, que provoca que podamos 'escoitar a través dos ollos'

Proliferan por Internet os chamados ‘GIF ruidosos‘. Son imaxes en movemento que non conteñen ningún son, aínda que moitas persoas parecen ser capaces de “escoitar” o ruído producido na imaxe.

O salto de liñas eléctricas é definitivamente o máis popular. Agora, unha nova investigación (Que leva o suxerente antetítulo de ‘Escoitando polos ollos’) está a demostrar que a razón pola que moitas persoas parecen “escoitar” estes sons podería deberse a que o proceso visual no cerebro non é igual en todas as persoas.

“O noso último estudo revela diferenzas individuais que acontecen normalmente na forma en que interactúan os nosos sentidos de visión e audición”, explica o autor e psicólogo principal Elliot Freeman, da City University London: “Descubrimos que as persoas con ‘oídos visuais‘ poden usar ambos os sentidos xuntos para ver e tamén ‘escoitar’ movementos silenciosos, mentres que para outros, a audición se inhibe cando se observan tales secuencias visuais”.

Os GIF non teñen son. Son bucles de vídeo silenciosos, pero algunhas persoas poden “escoitar” os sons correspondentes, como o golpe dun poste de electricidade ou un chapoteo dunha onda. A explicación é a chamada “resposta auditiva evocada visual” (vEAR).

“Atopamos que o 21 por cento das persoas poden experimentar formas deste fenómeno, o que o converte nun fenómeno de sinestesia bastante frecuente”, dixo Freeman. Hai dúas hipóteses populares de por que isto podería funcionar. Ou ben hai persoas que teñen conexións adicionais entre as áreas de procesamento visual e auditivas do cerebro, o que causa o vEAR; ou todos teñen as mesmas conexións, pero só aqueles con vEAR poden usalas.

Os músicos semellan ter máis capacidade para ‘escoitar’ sons polos ollos

O equipo de investigación empregou a 50 persoas nos seus experimentos. Utilizaron un método chamado estimulación de corrente alterna transcraneal en dúas lonxitudes de onda diferentes e mediron as respostas de “audición” das persoas ás secuencias de código Morse.

Para aqueles que non experimentaron o vEAR, as correntes de estimulación realmente cambiaron a forma en que funcionaban os seus cerebros. Mentres tanto, para aqueles que experimentaron vEAR, non houbo cambio. Curiosamente, os 50 participantes incluían a 16 músicos da Royal College of Music de Londres, e resultou que experimentaban o vEAR con máis frecuencia dos que non eran músicos. Isto apunta a que certo entrenamento musical favorece que o cerebro dunha persoa poida sentir a sensación de escoitar un son onde realmente non existe.

Pode ver máis GIF ‘ruidosos’ nesta ligazón da comunidade Reddit. E recorda que, aínda que ti non os ‘escoites’, unha de cada cinco persoas sente un son nestes gifs.

E podes consultar a investigación neste artigo no Journal of Cognitive Neuroscience.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.