Venres 29 Marzo 2024

A ‘maxia’ da intelixencia artificial pon en movemento as fotos antigas

Unha ferramenta web da empresa MyHeritage permite poñer en movemento retratos a través da aprendizaxe profunda

O avance acadado nos últimos anos polas tecnoloxías de procesamento de imaxes, valéndose da intelixencia artificial, está chegando a niveis fascinantes. E que tampouco están exentos de debate polo risco que levan asociado, como é o caso dos ‘deep fakes‘, que acadaron unha notable relevancia nas últimas semanas por mor dun anuncio que recuperaba a figura da artista Lola Flores. Outras recreacións permiten ver imaxes xa existentes en moita maior calidade, como as que procesou en 4K o xornalista César Galdo a partir das imaxes do documental Un viaje por Galicia de Manuel Arís, inspirado na transformación dun dos primeiros filmes da historia, A chegada dun tren á estación de La Ciotat, dos irmáns Lumiére, desenvolvida polo realizador ruso, Denis Shiryaev. Ou tamén é posible colorear fotografías en branco e negro.

 

Ver esta publicación en Instagram

 

Una publicación compartida de GCiencia (@gciencia_)

Mais nos últimos días, un paso máis nestas técnicas de procesamento está a propagarse pola rede. Trátase de Deep Nostalgia, unha ferramenta desenvolvida por MyHeritage,  empresa privada especializada en xenealoxía e análises de ADN, e non exenta de controversia. Esta ‘app’, cun funcionamento moi sinxelo, reconstrúe os movementos de persoas en fotografías antigas que se suben á plataforma a través do ‘deep learning’ ou aprendizaxe profunda, previo rexistro na web.

Publicidade

Segundo explica a empresa no seu web, o sistema decide que secuencia aplica a un rostro específico baseándose na súa oricentación, despois de comparalos e adestralos con movementos reais de gravacións actuais. Advirten, con todo, que “o resultado final non é auténtico, senón unha simulación tecnolóxica de como se movería a persoa na súa foto se fose gravada”. Deste xeito, a aplicación permite “dar vida” a imaxes antigas, tanto retratos individuais como en grupo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Pódcast | Máis alá dos videoxogos: o uso das imaxes creadas con IA

O investigador do CITIC José Antonio Iglesias Guitián analiza no oitavo episodio de O Descodificador as vantaxas e inconvenientes da xeración sintética de gráficos por ordenador

Pódcast | Reloxos intelixentes e medicina do sono: así nos axuda a tecnoloxía a vivir mellor

Os investigadores do CITIC Diego Álvarez e Patricia Concheiro analizan no sétimo episodio de O Descodificador as aplicacións biomédicas da IA

▪️ Expertos en tecnoloxía, ciencias e humanidades asesoran a Xunta para o uso ético da IA

A comisión de especialistas elabora recomendacións para impulsar accións formativas e a sensibilización na administación e empresas

Pódese predicir o estrés emocional dos adolescentes a través da voz? Así o investiga atlanTTic

Dende o centro da UVigo lidéranse varios proxectos nos que se utiliza a intelixencia artificial para analizar a fala e, así, mellorar a calidade de vida das persoas