Únete á nosa canle de Whatsapp
Co gallo da festividade local do Rosario, os Museos Científicos Coruñeses celebran este mércores unha xornada de portas abertas, aínda que limitada en parte polas medidas excepcionais derivadas da pandemia da Covid-19. Así, aínda que a entrada será de balde ao Aquarium Finisterrae, a Domus e a Casa das Ciencias, cómpre facer a reserva con antelación para poder acceder, diante da limitación de capacidade establecida.
Na Casa das Ciencias, a actividade está limitada ao Planetario por mor das medidas de hixiene. A capacidade está limitada a 20 persoas, que poderán elixir entre unha das catro sesións programadas, cunha duración de 60 minutos.
– 11:00 Da Terra ao universo: unha viaxe pola historia da astronomía. En galego. Idade recomendada: maiores de 10 anos
– 13:00 Alén do Sol: o Universo a través dos ollos dunha nena. En castelán. Idade recomendada: de 6 a 12 años.
–16:30 O ceo de Cloe: unha profesora de planetario moi especial. En castelán. Idade recomendada: de 4 a 6 anos.
– 18:00 Lévame á lúa: a primeira viaxe á Lúa vista dende o futuro.En galego. Idade recomendada: maiores de 10 anos.
Reservas para o Planetario, nesta ligazón.
No Aquarium Finisterrae, a visita está permitida con reserva previa. Poderanse visitar as súas salas, nas que se aborda o coñecemento do medio mariño desde múltiples perspectivas, así como a sala Nautilus, rodeada dun tanque de máis de 4 millóns de litros, onde se poden observar numerosas especies.
As visitas non teñen limitación na súa duración, aínda que se deberán facer obrigatoriamente na hora indicada na reserva, que poderá realizarse nesta ligazón.
No caso da Domus, a actividade tamén está limitada a tres actividades:
– 10:30 e 17:30 maker@domus: Actividades para experimentar coa cultura “maker” e facer tecnoloxía con materais sinxelos e moita imaxinación. Uhna oportunidade única para “pensar coas mans”.
– 11:00 e 17:00 atapuerca@domus: Proxección do filme Na procura do primeiro europeo, facer unha foto coa familia homínida e pintar como na prehistoria.
– 10:15 e 16:15 misión@domus: Xogo de escape no que terás que encontrar pistas ocultas ou resolver situacións inesperadas para conseguir finalizar a misión segreda no tempo marcado.
Poden facerse as reservas nesta ligazón.
Muy adecuada información