Ao través da sombra da Lúa

Créditos do vídeo e copyright: Stephan Heinsius (Eclipseland).Explicación: como sería voar ao través dunha eclipse total do Sol? Nun lugar típico da Terra no camiño da sombra escura da Lúa durante unha eclipse total, un observador ollaría á Lúa cruzando a faciana do Sol, bloqueándoo por completo durante uns poucos minutos. Unha visión particularmente clara da escuridade creada na Terra durante a eclipse solar total do último mes foi captada por un avión que voaba ao través da sombra umbral da Lúa. Un segundo de tempo do vídeo secuencia publicado correspóndese aproximadamente a un minuto de tempo real. A sombra da Lúa vén desde a dereita e fuxe pola esquerda, mentres todas as localidades da Terra de fóra da sombra umbral, a uns 100 quilómetros de distancia, fican parcialmente alumeadas. Durante a próxima eclipse solar de mediados de setembro a Lúa bloqueará, como moito, só unha parte do Sol.