Alberto Emilio Escobar Gonorrea, o vampiro Sífilis, Herpes Genitales, Estefani Inmunodeficiente, o Conde Willy Condilomas, Clamidia a Fruteira e Tricomonas, o rei do Trap. Son as personaxes nas que se transforma o humorista David Perdomo na campaña do Colexio Oficial de Farmacéuticos da Coruña que pretende alertar do perigo das enfermidades de transmisión sexual (ETS).
Nos vídeos que forman a campaña, Perdomo presenta ás personaxes como candidatos dun suposto concurso de telerrealidade. Cada un deles vai contando, en clave de humor, os síntomas destas doenzas e as prácticas de risco que poden provocar a súa aparición. “Isto é un xogo, pero o risco existe na vida real”, advirte a mensaxe que pecha cada unha das pezas.
Para cada unha das doenzas aparece doutro vídeo no que un farmacéutico do COFG explica a enfermidade e recomenda consultar a un profesional sanitario.
Aquí podes velos todos: