Charlas para escépticos na Domus

O Círculo Escéptico organiza, en colaboración cos Museos Científicos Coruñeses, un ciclo de conferencias sobre diversos temas científicos abordados desde unha perspectiva crítica.

As catro sesións, con entrada libre e de balde ata completar aforo, celebraranse os mércores, entre o 22 de novembro e o 20 de decembro, nas instalacións da Domus. O ciclo inaugurase esta semana coa conferencia “Beneficios da bioneuroemoción e a Nova Medicina Xermánica”, a cargo da psicóloga clínica Margarita Barrera.

Publicidade

O resto de charlas serán:

– 29 de novembro, con Mª José Mas, neuropediatra: “As vacinas que causan autismo”.
– 13 de decembro, con Juan Revenga, nutricionista: “Adelgazar é fácil, cómodo e, sobre todo, divertido”.
– 20 de decembro, con Nieves Salinas, xornalista: “Xornalistas sen escrúpulos a soldo das farmacéuticas”.