A USC, ‘diploma olímpico’ nas Olimpiadas mundiais de Física Teórica

Co nome de “Gravitones Galaicos“, catro graduados de Física pola USC participaron na Olimpiada internacional de Física Teórica, na que competiron estudantes dos centros máis prestixiosos do mundo, como Cambridge, Oxford, o MIT. Nun prazo de 24 horas, os concursantes debían resolver seis complicados problemas.

O equipo, dirixido polo profesor de Fïsica José Edelstein, foi o único español participante no certame, e superou a proba con nota, obtendo un meritorio oitavo posto, o equivalente a un ‘diploma olímpico’. Quedaron por riba, entre outros, de equipos formados por estudantes do MIT, Oxford, Brown ou Tokio.

Publicidade

Animados por Edelstein, os estudantes, David Peinador, David Vázquez, Martín Enríquez e David Travieso aceptaron o desafío xusto despois de rematar os exames de xaneiro. Agora, os catro continúan a súa formación con estudos de posgrao. Peinador está en Cambridge, Enríquez e Travieso en Munich, e Vázquez continúa na USC. “É algo que non acabas de crer“, sinala Peinador. “Por iso nos presentamos, era unha boa oportunidade para comprobalo e, se cadra, gañar a algún equipo do MIT, algo que finalmente fixemos”.

“A idea de enfrontarnos a problemas complexos de física, fóra dos típicos estándares das materias do grao, é un reto en si mesmo excitante”, engade David Vázquez. “Estamos acostumados a atacar os problemas individualmente esquecendo un pouco que a ciencia é unha cuestión colectiva”, apunta.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha física galega acada un dos cargos máis relevantes nun experimento no CERN

María Vieites será coordinadora adxunta do detector de partículas LHCb

O comportamento humano altérase de xeito notorio en grupos de máis de 180 persoas

Unha nova análise matemática permite comprender como cambiará unha empresa ou unha rexión por medrar de tamaño

A forza dos raios: mortais nun radio de dez metros e inofensivos dentro dun coche

A presenza da gaiola de Faraday provoca que o campo electromagnético dentro dun condutor en equilibrio estático sexa nulo

Alain Aspect, John F. Clauser e Anton Zeilinger gañan o Premio Nobel de Física

A Academia Sueca recoñece o traballo destes científicos polos seus experimentos de entrelazamentos de fotóns e por seren pioneiros na ciencia da información cuántica