O exemplar de aie aie que naceu en Denver. Foto: Zoo de Denver.

O exemplar de aie aie que naceu en Denver. Foto: Zoo de Denver.

Un bebé dun animal extraordinario: o aie aie

En Madagascar é considerado unha criatura máxica que pode matar a distancia só con apuntar co seu dedo medio

O exemplar de aie aie que naceu en Denver. Foto: Zoo de Denver.

O exemplar de aie aie que naceu en Denver. Foto: Zoo de Denver.

O Zoolóxico de Denver nos Estados Unidos acaba de dar a benvida a un novo residente: un diminuto membro dunha das familias de lémures máis exclusivas do mundo, o aie- aie. O novo membro da comunidade, nacido o 8 de agosto da nai chamada Bellatrix e o seu pai Smeagol, foi bautizado Tonks, un nome relacionado coa saga de novelas de Harry Potter.

O nacemento é un evento tremendamente emocionante. Hai moi poucos aie aie no mundo, repartidos nalgúns zoos, pero ninguén sabe cantos están na natureza, limitados só a partes remotas do seu Madagascar natal. Estes primates nocturnos (Daubentonia madagascariensis) están en perigo , tras perder aproximadamente o 50 por cento da súa poboación nas últimas décadas debido ao deterioro do seu hábitat e á caza.

Aye-aye_at_night_in_the_wild_in_Madagascar

Mesmo para os investigadores, ver aie aies na natureza é moi raro. A súa presenza dedúcese das marcas nas árbores que deixan cando buscan alimento. Tocan a madeira para atopar as cavidades onde viven os vermes, escoitando os pequenos ruídos reveladores de larvas. Logo usan o seu longo e delgado dedo medio para capturar á súa presa.

Os aie aies viven ata 20 anos en catividade, pasando os primeiros dous ou tres coa súa nai. Como curiosidade, no folclore malgaxe de Madagascar consideran ao aie aie unha criatura máxica. Din que se apunta a unha persoa con seu terceiro dedo, esta morre pouco despois dunha forma repentina e horrible.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.