Créditos do vídeo: Roscosmos / NTSOMZ / zelenyikot.livejournal.com
Cortesía: Igor Tirsky, Vitaliy Egorov
Explicación: a Terra no equinoccio. Durante as vindeiras 24 horas, o día e a noite teñen case a mesma duración por todo o planeta Terra. Tecnicamente, o equinoccio ten lugar ás 2:29 a.m. Tempo Universal de mañá, pero isto ocorre hoxe en América do Norte e do Sur. Este equinoccio de setembro é o sinal de que o inverno se achega no hemisferio setentrional e o verán se achega no sur. No equinoccio, a liña da Terra divisoria entre a metade alumeada polo Sol e a metade nocturna pasa temporalmente ao través dos polos norte e sur de rotación. Esta liña divisoria amósase ben polo miúdo no vídeo amosado, realizado polo satélite ruso de meteoroloxía Elektro-L durante o equinoccio de setembro do ano pasado. O satélite Elektro-L está en órbita xeoestacionaria sobre un punto do ecuador da Terra e sempre apunta directamente á mesma. A gravación publicada amosa unha vídeo secuencia para un día completo so redor do equinoccio, cunha imaxe nova tirada cada 30 minutos. Poden verse os movementos da nubes aseí como o reflexos do Sol mentres o día progresa. O vindeiro equinoccio da Terra está programado para marzo.
