Explicación: a xigante galaxia elíptica M60 maila galaxia espiral NGC 4647 semellan unha parella estraña neste definido retrato cósmico do Telescopio Espacial Hubble. Pero atópanse nunha rexión do espazo no que as galaxias soen reunirse, na beira leste do achegado Cúmulo de Galaxias Virgo. A uns 54 millóns de anos luz de distancia, a forma de ovo máis sinxela de M60 é creada polas estrelas máis vellas que enxamean aleatoriamente, mentres as estrelas azuis e novas, o gas mailo po de NGC 4647 organízanse nos brazos sinuosos que rotan ao redor dun disco aplanado. Á espiralestímaselle máis distancia ca M60, uns 63 millóns de anos luz. Aínda que a parella de galaxias, coñecida tamén coma Arp 116, pode estar a piques dun significativo encontrogravitatorio. M60 (alcumada NGC 4649) ten uns 120.000 anos luz de diámetro. A máis pequena NGC 4647 abarca uns 90.000 anos luz, máis ou menos o tamaño da nosa propia Vía Láctea.
APOD galego en directo: charliña sobre as fotos do ano 2015 en Ourense, Vigo e Santiago de Compostela. Consulta lugar, día e hora.
