As mulleres do espazo

A historia da carreira espacial está escrita tamén por mulleres que contribuíron dun xeito decisivo á conquista do espazo e das melloras tecnolóxicas. Para iluminar o seu traballo, a Axencia Espacial Europea (ESA) pon en marcha o proxecto Space Girls Space Women, co que se rinde tributo ás mulleres cuxa paixón polo espazo exterior pode ser un modelo a seguir para moitas mozas que podan pensar ou se lles di que a ciencia e a tecnoloxía son cousa do sexo masculino.

Para poñer en marcha este proxecto, o Departamento de Comunicación da ESA asociuse coa axencia fotográfica francesa Sipa Press para traernos 19 historias en fotos e vídeos, en clave feminina, que amosan tres xeracións de mulleres relacionadas co espazo: estudantes, científicas, enxeñeiras e moitas máis que están no corazón da aventura espacial, desde Nairobi a Moscú, desde Bangalore a Múnich, desde o deserto de Atacama ás aforas de Izmir.

O resultado é unha exposición marabillosa que percorrerá o mundo, así como unha aplicación multimedia para teléfonos intelixentes e tabletas na App Store de Apple para iOS e en Google Play para Android, ademais dunha páxina web con entrevistas, fotografías e vídeos. O acceso á exposición e a descarga da aplicación son gratuítos.

A primeira parada da exposición itinerante é París, no Musée des Arts et Métiers (CNAM) e L’Observatoire, desde o 18 de xuño até o 1 de novembro de 2015.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.