A Fundación Española para la Ciencia y la Tecnología (Fecyt) e o CSIC deron a coñecer as imaxes gañadoras da 14ª edición de Fotciencia, un concurso fotográfico que pretende achegar á ciencia á cidadanía mediante unha perspectiva artística e estética. No certame, que conta coa colaboración da Fundación Jesús Serra, participaron un total de 666 imaxes.
De entre todas elas o xurado escolleu como gañadora da categoría xeral a imaxe “Atracción digital“, de Antonio Luis Martínez Cano, que representa o cambio de traxectoria dun pequeno chorro de auga ao entrar en contacto cun dedo.
As fotografías gañadoras, xunto a outras seleccionadas entre todas as que se presentaron, serán incluídas nun catálogo e formarán parte dunha exposición que percorrerá museos e centros de España ao longo do ano. Neste vídeo pódense ver todas as imaxes premiadas.