Retrato de NGC 281

Retrato NGC281
Créditos da imaxe e copyright: Martin Pugh.

Explicación: olla ao través da nube cósmica catalogada coma NGC 281 e poida que botes de menos as estrelas do cúmulo aberto IC 1590. Pero esas estrelas masivas e novas do cúmulo, formadas no interior da nebulosa, impulsan basicamente o brillo nebular xeralizado. As formas rechamangueiras e ameazadoras deste retrato de NGC 281 son columnas esculpidas e glóbulos densos de po que se ven en silueta, erosionados polos ventos potentes e intensos e a radiación das estrelas quentes do cúmulo. Se sobreviven abondo, as estruturas poeirentas tamén poderían ser lugares de futura formación estelar. Chamada ledamente a Nebulosa Comecocos pola seu aspecto global, NGC 281 está a uns 10.000 anos luz de distancia na constelación de Cassiopeia. Esta definida imaxe composta fíxose ao través de filtros de banda estreita, combinando a emisión dos átomos de hidróxeno, xofre e osíxeno da nebulosa en cores verde, vermello e azul. Abarca uns 80 anos luz á distancia que se lle estima a NGC 281.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.