A escala do astrofísico Stephen Hawking en Vigo despertou paixóns o sábado. Tras desembarcar do cruceiro 'Oasis of the seas' na súa escala na cidade, paseo polas Avenidas, o Casco Vello e A Pedra, onde degustou as famosas ostras. De feito, o cociñeiro Víctor Acuña, do restaurante 'La Espuela' atendeuno persoalmente e lle preparou unha crema de ostras e mexilóns, entre outras viandas como sopa de marisco, luras, xamón e queixo de tetilla. O chef puxo especial celo en non empregar fariñas que conteñan gluten, xa que lle advertiron de que Hawking é celíaco. Numerosas persoas aproveitaron a ocasión para fotografarse co mediático científico, autor da popular obra 'Historia do tempo'. Stephen Hawking chegou ás 9 da mañá e reembarcou as 17.00 horas para seguir a súa viaxe de cruceiro. Foto: Rafael Ojea.
Fotonautas

Así foi a escala de Stephen Hawking en Vigo