A fotógrafa Anna Henly, do Reino Unido, foi premiada por esta imaxe no Wildlife Photographer of the Year que concede o National History Museum de Londres. Vemos un oso polar, no Círculo Polar Ártico, ao Norte das illas Svalbard, nunha difícil situación. Ten que elixir que bloque de xeo será o máis seguro para chegar ata un chan máis sólido. A foto recibiu tamén o premio 'The world in our hands' no ano 2012. O xurado valorou o carácter exemplar da foto, que representa os problemas que o cambio climático está a xerar no Ártico, onde a masa de xeo está a reducirse ano tras ano, afectando ó hábitat de especies como o oso polar, o gran depredador boreal. Foto cortesía para GCiencia do NHM de Londres.
Fotonautas

Rompecabezas e cambio climático