Únete á nosa canle de Whatsapp
Despois dunha serie de atrasos, o primeiro voo con motor que se realiza noutro planeta está xa listo. Espérase que o helicóptero Ingenuity da NASA se eleve aos ceos marcianos hoxe ás 03:30 am EDT (as 12.15 horas en España) e que envíe os primeiros datos sobre a súa aventura unhas horas máis tarde.
O enxeño chegou ao planeta vermello en febreiro, atado ao ventre do rover Perseverance durante unha épica viaxe de 471 millóns de quilómetros. Este mini-helicóptero, o primeiro do seu tipo, supón o fito de tentar un voo propulsado na delgada atmosfera marciana.
Ingenuity é un pequeno helicóptero robótico ubicado en Marte desde o 18 de febreiro de 2021. É a primeira aeronave en Marte e está destinada a realizar o primeiro voo atmosférico motorizado e totalmente controlado, desde o despegamento ata a aterraxe, en calquera planeta máis aló da Terra.
Ingenuity, que pode viaxar ata 50 m e logo regresar á área de inicio, utilizará un control autónomo durante os seus curtos voos, que sonplanificados e programados de xeito telerrobótico polos operadores do JPL Laboratory en Pasadena, nos Estados Unidos.
Como anécdota, o trebello leva un anaco de tea da á do Wright Flyer de 1903, o avión dos irmáns Wright , o primeiro voo motorizado controlado da humanidade na Terra. O nome do Ingenuity foi elixido por alumnos dun instituto de educación secundaria nos Estados Unidos.
