O sorprendente vídeo do polbo Dumbo nas profundidades do Pacífico

No fondo das augas do Océano Pacífico, fronte ás costas de California, os científicos mariños tiveron a sorte de captar unha imaxe rara e marabillosa: un polbo Dumbo en acción.

Non é doado ver polbos Dumbo (Grimpoteuthis ); viven moi por baixo da superficie do océano. Por sorte, existen vehículos subacuáticos operados a distancia, como o ROV Hercules, que actualmente explora o monte submarino de Davidson, un volcán extinto no Santuario Nacional Mariño da Baía de Monterey.

As imaxes, tomadas pola cámara de alta resolución amosan detalles extraordinarios do cefalópodo mentres vira e xira. A maioría das especies de polbo Dumbo son moito máis pequenas que esta, que tiña ao redor de 60 centímetros de longo. Polo xeral, chegan a aproximadamente 20-30 centímetros.

A gravación foi realizada a 3,2 quilómetros de profundidade, nunha rexion que se coñece como un oasis, unha especie de xardín de augas fondas repleto de corais e esponxas.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.