O astrofotógrafo Adhemar Duro (Río de Janeiro, 1972) é o autor deste fermoso vídeo, unha composición de time-lapses montada cunha compilación de imaxes que captan diversos matices do ceo sobre o deserto chileno de Atacama e o Observatorio ALMA, e que amosa todo o esplendor do universo sobre a zona máis árida do planeta.
Os traballos de Adhemar Duro na rexión valéronlle o título de embaixador fotográfico do Observatorio Europeo Austral (ESO, nas súas siglas en inglés), a principal organización astronómica intergubernamental en Europa e o observatorio astronómico máis produtivo do mundo.