Retiran un enorme niño de velutina de máis dun metro con 171 raíñas

A vespa velutina segue a ser un quebracabezas en case todo o territorio de Galicia. Pero hai veces nas que asombra o tamaño que alcanzan os niños destes insectos. Así sucedeu no lugar de Queirís, no concello de Coirós, cando operarios retiraron un enorme nespreiro que medía 1,16 metros de alto e que tiña no seu interior 811 obreiras e 171 novas raíñas.

Lolo Andrade cun niño de velutina.
Lolo Andrade cun niño de velutina.

Lolo Andrade, especialista na avispa velutina, manifestou á Radio Galega que contou tamén no niño máis de mil larvas, e salientou que seguen a retirar niños por mor do tempo morno: “Coa baixada de temperaturas irán xa a hibernar”. Andrade traballa en Protección Civil de Cambre e desde hai anos colabora na retirada de niños noutros concellos como Coirós, A Laracha e Oza-Cesuras.

“É importante concienciar aos nenos de que non tiren pedras aos niños. Cando imos retiralos, en moitos nos atopamos varias cravadas dentro. Os pequenos fano porque lles fai graza, pero é perigoso porque dentro hai moitas vespas e se saen a atacalos pode producirse unha desgraza”, explicou.

Ademais, lembrou que en caso de atopar un niño de vespa velutina a mellor decisión é chamar ao 112 de Emerxencias.

E aquí tes o noso audiovisual sobre a vespa velutina, da nosa serie ‘A Ciencia dos Porqués’

https://www.gciencia.com/porques/velutina-galicia/

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.