‘Micro-Plastics’ é unha animación stop-motion feita de cachos de plástico atopados nas costas de Gran Bretaña e Hawai. Nesta peza explícase como os microplásticos prexudican a vida mariña, os nosos océanos e a nós mesmos.
Esta produción é unha das tres pezas da longametraxe documental ‘Plastic Shores’, unha película educativa sen fins de lucro para facernos reflexxionar sobre os efectos dos restos de plástico nos ecosistemas mariños dirixidas por Edaward Scott-Clarke e producidas por La Mode Verte. Desde as costas de Hawai a California, e de Cornwall a Gran Caimán, a película rastrexa a contaminación por plásticos a través do Atlántico e do Pacífico e explica que efectos ten no medio mariño, así como na saúde humana.
