O momento exacto da explosión do Stromboli

Unha cámara web situada preto do volcán capturou o momento no que toneladas de cinzas, lava e rochas saíron disparadas cara ao exterior

Tan estudado e coñecido é o volcán Stromboli que mesmo dá nome a un tipo de erupción: a estromboliana, caracterizada por explosións de pouca duración, e pequenas respecto a outros tipos de erupcións, seguidas de períodos de calma de extensión variable. Volveu acontecer este mércores, cando a media tarde se rexistrou no cráter un forte estourido que causou polo menos un morto e un ferido. Uns danos persoais que puideron ser maiores, debido á violencia do suceso, e ao coincidir coa época de alta afluencia turística.

Segundo o Instituto Nacional de Xeofísica e Vulcanoloxía (INGV), as dúas principais explosións producíronse ás 16.46 horas do mércores, e estiveron precedidas de varios derrames de lava procedentes de varias das bocas do cráter.

Foron moitas imaxes que chamaron a atención, pero sen dúbida a máis sorprendente foi a captada por unha cámara web que emite en directo desde preto do cráter do Stromboli. No vídeo que se pode ver ao comezo da información, é posible contemplar o momento exacto da explosión; a cámara queda practicamente tapada por unha nube de cinzas e, aos poucos segundos, albíscase a lava proxectada cara ao exterior. Non en tanto, o material incandescente provocou varios incendios nas abas do volcán durante as horas seguintes.

Houbo máis rexistros de imaxes espectaculares. Outra cámara capturou en varios fotogramas a secuencia da explosión, con piroclastos caendo no mar desde os máis de 900 metros de altitude do cráter.

Un día despois do estourido, o Stromboli volve amosar unha relativa calma, aínda que o cráter segue fumegando, como se pode ver nestas imaxes, tomadas ás 16.30 horas do xoves.

Imaxe do Stromboli 24 horas despois da explosión. Fonte: skylinewebcams.com.
Imaxe do Stromboli 24 horas despois da explosión. Fonte: skylinewebcams.com.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.