Únete á nosa canle de Whatsapp
Os abraiantes robots de Boston Dynamics seguen a sorprender pola súa habilidade de movementos. E agora chegan cunha nova función: pastorear ovellas, dar sulfato ás vides ou facer outras labores agrícolas.
O vídeo foi creado pola firma de software de robótica Rocos, que está a traballar con Boston Dynamics para explorar como se pode controlar de forma remota a súa colección de droides. A idea é que robots como o deste audiovisual poidan traballar no campo de xeito remoto mentres os seus donos están na casa.
“Para os agricultores, iso podería significar que un robot monitoree os campos durante todo o día, controlando o crecemento dos cultivos ou a maduración da froita, todo mentres se opera de xeito remoto”, explican en Boston Dynamics. Bots como estes poden camiñar, rodar ou mesmo voar, e tamén poden estar equipados con todo tipo de sensores para avaliar a contorna que os rodea.
“Os nosos clientes están a aumentar a súa forza de traballo humana para automatizar procesos físicos que a miúdo son aburridos, sucios ou perigosos”, explica o CEO de Rocos, David Inggs.
Estes robots,que tamén poden traballar en equipo, utilizan cámaras e sensores integrados para determinar onde están e cara a onde van, con instrucións preprogramadas por operadores humanos. E a característica principal deles a súa axilidade: esas catro patas flexibles permiten que cubran todo tipo de terreo.
Polo que vemos no vídeo, semella que aínda non teñen a velocidade dun can pastor. Pero en Boston Dynamics están convencidos de que remataremos por ver os seus robots nas nosas leiras: “A automatización da agricultura está a cambiar a forma en que traballan os labregos, aumentando a eficiencia da produción mundial de alimentos para unha poboación humana cada vez maior”, afirman no vídeo.
