Como reacciona un can-robot cando lle impiden abrir a porta?

Este ano, a empresa de robótica Boston Dynamics publicou varios vídeos nos que amosaba a cooperación entre dous dos seus prototipos de can-robot, SpotMini. Un deles, provisto dun apéndice semellante a un longo pescozo terminado nunha especie de gancho, que lle permitía mover o mango dunha porta para abrilo, algo que non podía facer o outro can-robot.

E noutro deles, un traballador da empresa ‘desafiaba’ ao can-robot cando este intenta abrir a mesma porta. É unha proba para medir “a capacidade do SpotMini para adaptarse aos impedimentos“, sinala Boston Dynamics. Ao mesmo tempo, un operario está dirixindo ao robot para que proceda á operación de abrir a porta. Para levar a cabo esta tarefa, o can-robot leva incorporada unha cámara no apéndice e outras no seu corpo, para determinar se a porta está aberta ou pechada e para orientarse no espazo.

Cunha nota de humor, a empresa sinala que a proba “non causou molestia nin dano ao robot”.

Boston Dynamics naceu nos anos 90 como unha spin-off do MIT e foi comprada por Google en 2013. O xigante de internet púxoa en venda en 2016 e en 2017 foi adquirida pola empresa xaponesa Softbank.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.