Xoves 28 Marzo 2024

Investigadores da USC deseñan unha tecnoloxía para mellorar o aire en espazos pechados

O proxecto reduce a capacidade de transmisión de patóxenos e contaminantes aéreos e pode ser aplicada en edificios existentes ou en construción

Co obxectivo de garantir unha calidade do aire óptima en espazos pechados. Así nace VentilatioLab, unha spin-off da Universidade de Santiago de Compostela (USC), que reduce a capacidade de transmisión de patóxenos e contaminantes aéreos, polo que minimiza o impacto, non só da covid, senón tamén doutros virus de transmisión similar.

Esta nova empresa, froito do traballo dun equipo de investigadores da Facultade de Física da USC, está impulsada por Alberto Pérez Muñuzuri, Alberto Otero Cacho e Jorge Mira Pérez, aos que se unen o tamén físico Pablo Criado Boado e, como director, o economista Ramón Tubío Villanueva.

Publicidade

O equipo investigador desenvolve unha tecnoloxía propia que estabelece cal debe ser a localización e número dos ocupantes de cada espazo para mellorar a salubridade do aire, partindo da súa experiencia en física de fluídos e estudando o seu comportamento nunha gran diversidade de contextos. “A chave é a identificación de dominios de fluxos de aire illados dentro do propio espazo, de forma que os aerosois (nanogotas) exhalados polos ocupantes nun dominio non alcancen a outros e, por tanto, non sexan inspirados polos demais ocupantes do espazo”, explican os promotores desta iniciativa.

Distintas fases

Alén da súa funcionalidade nos edificios xa existentes, as predicións que elabora VentilatioLab poden ser explotadas dende a fase de deseño arquitectónico e enxeñería de ventilación, para así garantir que os espazos públicos de nova creación posúan uns fluxos de correntes óptimos dende o punto de vista da saúde. “Optimizamos a ocupación e capacidade dun espazo, garantindo a calidade do aire e mantendo separadas as burbullas”, afirman os responsables da nova firma.

No caso de ser necesario, a empresa tamén valora a necesidade de inclusión doutras entradas de aire forzadas que permitan a creación de compartimentos illados mediante correntes de aire que eviten o intercambio de nanogotas entre os diferentes grupos de ocupación. Esta tecnoloxía xa foi validada con éxito en contornas de hostalaría e educación a comezos de 2021 a través dunha aplicación en liña para optimizar o tempo de ventilación en función das características dos espazos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos