Venres 29 Marzo 2024

Solidariedade das universidades coas vítimas de París

As tres universidades galegas celebraron hoxe concentracións de solidariedade coas vítimas dos atentados de París do pasado venres. Reitorados e facultades, con alumnos e profesores dos distintos campus, saíron á rúa para levar a efecto un minuto de silencio como repulsa á violencia e á barbarie terrorista.

Concentración ante a Reitoría de Vigo.
Concentración ante a Reitoría de Vigo.

A Universidade de Santiago de Compostela convocou concentracións diante dos seus centros en Santiago e Lugo. No minuto de silencio no Colexio de San Xerome estivo presente o reitor Juan Viaño e parte do equipo reitoral, a quen lles acompañaron o alcalde da cidade, Martiño Noriega, e membros da corporación municipal.
A Universidade de Vigo tamén gardou silencio polos atentados de París. Os tres campus celebraron de xeito simultáneo varias concentracións en memoria das vítimas dos ataques ocorridos na capital francesa. No campus de Vigo preto dun cento de persoas reuníronse na praza Erasmo, diante da Reitoría, para mostrar a súa repulsa polos atentados. Á concentración do campus vigués acudíu tanto o reitor da Universidade de Vigo, Salustiano Mato, como gran parte do equipo de goberno.
Concentración en Ourense.
Concentración en Ourense.

En Pontevedra alumnos e alumnas, PDI e PAS achegáronse ás portas de entrada das cinco facultades e escolas pontevedresas para esta conmemoración. Pola súa banda, no campus de Ourense a comunidade universitaria sumouse ás dúas concentracións realizadas, unha entre o Edificio Politécnico e o Edificio de Ferro e outra diante do Edificio Xurídico-Empresarial. Tamén houbo concentracións de solidariedade na Universidade da Coruña.
Concentración en Pontevedra.
Concentración en Pontevedra.

 
Concentración en Lugo.
Concentración en Lugo.

 
 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A toxoplasmose é un factor de risco para o envellecemento inflamatorio nos maiores

Un estudo da UDC demostra que as persoas cunha resposta de anticorpos máis forte á infección tiñan máis probabilidades de ser fráxiles

A UDC coordina o primeiro sensor automático en detectar zoonoses a escala mundial

O proxecto está liderado polo grupo do investigador Alejandro Criado. Chámase FLUFET e identifica un amplo espectro de obxectivos virais

Os investigadores galegos da trama saudita cobraron da empresa do intermediario dos árabes

Os dous empregados do Centro da Carne, cunha desenfreada produción científica, inscribíronse na universidade Rei Abdulaziz pese a desenvolver a súa carreira en Galicia

A Academia de Ciencias premia un estudo galego que foi portada da prestixiosa revista ‘Science’

O outro proxecto galardoado, tamén da USC, é un sistema de recuperación de información capaz de proporcionar resultados correctos e cribles