Venres 29 Marzo 2024

As áreas de Lingüística, Agricultura e Silvicultura da USC, entre as 200 mellores do mundo

A listaxe das mellores universidades do mundo neste ano acaba de ser publicada no QS World University Ranking. A clasificación elaborouse a partir dunha serie de enquisas realizadas a máis de 82.000 académicos. Como principal novidade, a Universidade de Vigo entra por primeira vez na clasificación, pechando a lista das 25 mellores universidades españolas segundo o criterio desta clasificación, que inclúe 1.ooo de todo o mundo. A de Santiago de Compostela atópase entre as vinte primeiras, diante da Universidad Rey Juan Carlos. A UDC ubícase no posto 24º, xusto por riba da institución viguesa.

A UVigo entra nas 1.000 mellores

A primeira universidade galega en aparecer no ranking das mellores universidades de España é, de novo, a de Santiago de Compostela (581-590). Mellora a súa posición con respecto ao pasado ano. Sube un posto e ocupa o 16º. Non acontece o mesmo ca Universidade da Coruña (801-1000), que baixa un posto este ano, quedando así no 24º. Pero sen dúbida, o máis destacable deste ano é a incorporación da Universidade de Vigo no ránking, no lugar 25º (no rango 801-1000 a nivel internacional).

Publicidade

A USC destaca entre as 250 mellores do mundo en Farmacia, Enxeñaría Química e Linguas Modernas

Se se atende á clasificación por áreas de coñecemento, os resultados tamén son interesantes. Para elaborar esta lista, a QS tomou en consideración unhas enquisas globais realizadas entre académicos e empregadores. Con esta metodoloxía avaliou a reputación internacional das universidades. A USC destaca entre as 200 mellores institucións do mundo nalgunhas materias como a Lingüística, a Agricultura e Silvicultura  (151-200). En Farmacia, Enxeñaría Química, Linguas Modernas, a institución compostelá ocupa tamén un lugar entre as 250 mellores (no rango 201-250).  Pola súa parte, no referente á Universidade de Vigo, a clasificación QS destaca á entidade no eido da Química (351-400) e en Enxeñaría e Tecnoloxía (451-500).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia