Venres 29 Marzo 2024

Preto dun cento de persoas participan nas xornadas abertas de atlanTTic

As visitas ao Centro de Investigación en Tecnoloxías de Telecomunicación da Universidade de Vigo volveron ao formato presencial, tras o parón da pandemia

Arredor dun cento de persoas. Ese foi o número aproximado de participantes na xornada de portas abertas do Centro de Investigación en Tecnoloxías de Telecomunicación da Universidade de Vigo, atlanTTic. A actividade, organizada dentro do programa Divulgando Ciencia Singular, amparouse no lema Conecta con atlanTTic. Tan só tres palabras coas que resumir o gran propósito desta actividade: conectar a cidadanía coa tecnoloxía. Para iso, a Escola de Enxeñaría de Telecomunicación abriu as súas portas.

As persoas que se animaron a participar descubrir, a través de presentacións e demostracións prácticas a cargo dos propios investigadores e investigadoras do centro e as súas principais liñas de traballo: comunicacións 5G, aplicacións accesibles, saúde e educación dixital, patrimonio 4.0, firma radar e infravermella, comunicacións ópticas, nanosatélites, observación da Terra ou intelixencia artificial en comunicación. Así mesmo, tiveron a oportunidade de coñecer en directo como funciona a impresión 3D e probar as posibilidades que ofrece o taboleiro de cristal luminoso ou lightboard.

Publicidade

Un dos grupos que participaron na visita á cámara anecoica Foto: atlanTTic
Un dos grupos que participaron na visita á cámara anecoica Foto: atlanTTic

Visitas guiadas

Ademais diso realizáronse tres visitas guiadas, en grupos reducidos, durante as que o persoal investigador tivo a oportunidade de amosarlles a cámara anecoica do laboratorio de medidas radioeléctricas, as cámaras do laboratorio de acústica e o laboratorio de seguimento de satélites, e os principais proxectos que se están a desenvolver grazas a estas instalacións.

Desde a organización do evento valoraron moi positivamente a acollida desta proposta de divulgación científica e a volta ao formato presencial do evento, tras un ano no que tivo que celebrarse de xeito virtual. Entre as visitas atopábase alumnado de STEMBach do IES Valadares, grupos de familias e outras persoas, maiores e pequenas, interesadas en ver o que se fai no centro, moitas delas facíano por primeira vez e outras, que xa acudiran en anos anteriores, quixeron repetir a experiencia.


Podes ler a noticia do DUVI na seguinte ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O CIM impulsa a súa presenza na investigación mariña europea

O centro vigués busca converterse nun referente establecendo colaboracións con persoal investigador e institucións internacionais

A UVigo reivindica no Día Mundial da Auga a importancia do seu acceso universal

A universidade impulsa a concienciación través dunha serie de pódcast con nenos e nenas e dun concurso escolar de microrrelatos

As raias femias do Parque Nacional Illas Atlánticas, claves para a saúde das súas poboacións

Investigadores galegos publican un artigo na revista 'Marine Ecology Progress Series’ que afonda no coñecemento dos hábitats dos elasmobranquios

Por que a clonación é tan rara na natureza

A partenoxénese é un tipo de reprodución asexual que empregan as femias dalgunhas especies para realizar copias de si mesmas