Os premiados, no acto de entrega dos Premios Fin de Carreira 2015.
Os premiados, no acto de entrega dos Premios Fin de Carreira 2015.

Premios Fin de Carreira para os 77 mellores universitarios

“Ser o mellor ou a mellor estudante de cada carreira é un mérito indiscutible, pero tamén é unha grande responsabilidade. Agora tendes a obriga de liderar o avance do coñecemento alí onde decidades traballar”. Con estas palabras o reitor Juan Viaño animou o alumnado galardoado cos Premios Fin de Carreira da Comunidade Autónoma de Galicia “a liderar o bo facer e a busca dos mellores resultados” porque “na vosa man está o futuro de todos nós e dos que veñen detrás”.
O reitor compostelán interveu en representación das tres universidades galegas nun acto presidido polo conselleiro de Cultura, Educación e Ordenación Universitaria, Román Rodríguez González. Completaron a mesa presidencial o reitor en funcións da Universidade da Coruña, Xosé L. Armesto Barbeito, a vicerreitora de Estudantes da Universidade de Vigo, Dolores González Álvarez, e o secretario xeral de Universidades José Alberto Díez de Castro.

Viaño: “Sodes unha das mellores xeracións de Galicia en toda a súa historia”

Viaño sinalou aos 77 premiados nesta vixésimo cuarta convocatoria dos Premios Fin de Carreira de Galicia como “unha das mellores xeracións de Galicia en toda a súa historia”. Dirixíndose aos premiados, Román Rodríguez transmitiulles que representan “un orgullo para o país” e emprazounos a “ ser solidarios” e poñer o seu talento e intelixencia “á disposición de Galicia”. Na súa intervención, o conselleiro de Cultura e Educación dixo sentir orgullo das universidades galegas e tamén de todos os premiados e premiadas por ser “protagonistas dun momento histórico no que a Universidade é o principal foco de xeración e creación de talento”.
En nome de todos os galardoados interveu Ana María Maestro Cortizas (grao en Dereito pola Universidade da Coruña), que destacou o importante papel que xoga a familia como un referente de esforzo, de sacrificio e do deber de facer as cousas ben. Así mesmo aproveitou para agradecer a dedicación e o compromiso do persoal docente das universidades e o apoio da Xunta de Galicia coa convocatoria destes premios.
Estes premios diríxense ao alumnado co mellor expediente académico de entre as persoas solicitantes, que rematasen os estudos universitarios conducentes á obtención dos títulos de graduado, licenciado, enxeñeiro, arquitecto, diplomado, mestre, enxeñeiro técnico ou arquitecto técnico no curso académico 2013-14 nas universidades do Sistema universitario de Galicia. Para acceder a esta convocatoria era preciso ter unha puntuación media no expediente académico igual ou superior a 8,50 puntos, para o alumnado das ramas de coñecemento de Artes e Humanidades, Ciencias Sociais e Xurídicas, Ciencias e Ciencias da Saúde; e 7,50 puntos, para o da rama de Enxeñaría e Arquitectura.
A relación de galardoados da Universidade de Santiago foi a seguinte: Esteban Carballal Liste, en Administración e Dirección de Empresas; José Rama Caamaño, en Ciencia Política e da Administración; Marta Queiruga Balado, en Ciencias da Cultura e Difusión Cultural; Sabela Direito Rebollal, en Comunicación Audiovisual; Carlos Salvador Vázquez, en Enxeñaría Civil; Marcos Tella Álvarez, en Enxeñaría en Xeomática e Topografía; Carlos Maquieira González, en Enxeñaría Química; Pablo Scotto Benito, en Filosofía; José Manuel Penin Ascariz, en Física; Uxía Otero González, en Historia; Alejandro Pérez López, en Historia da Arte; Cristina Joven Sieira, en Lingua e Literatura Españolas; Vítor Míguez Rego, en Lingua e Literatura Galegas; Alba Ágata Díaz Fernández, en Lingua e Literatura Inglesas; David Méndez Martínez, en Matemáticas; Manuel Miguens Pérez, en Mestre de Educación Primaria; Silvia Fraga Domínguez, en Psicoloxía; Martín Amoza Davila, en Química; Jessica Regueiro Fernández, en Relacións Laborais e Recursos Humanos; Manuel Ramiro López Carro, en Xeografía e Ordenación do Territorio; María Bragado Paz, en Xornalismo; Tamara Gómez Dacoba; en Farmacia; Eduardo Louredo Rodríguez, en Filoloxía Románica; Alejandro Rivero Aguilar Pensado, en Medicina; Carolina Mourelos Vidal, en Psicopedagoxía; Patricia Álvarez Fernández, en Veterinaria; Valentín García Souto, en Enxeñaría Agrónoma; e Alberte Regueira López, en Enxeñaría Química.

A listaxe completa dos galardoados nas tres universidades
está dispoñible nesta ligazón

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.