Os MIR Miguel Villamarín e Lucía Rodríguez, xunto a Julián Álvarez, decano de Medicina. Foto: USC.
Os MIR Miguel Villamarín e Lucía Rodríguez, xunto a Julián Álvarez, decano de Medicina. Foto: USC.

Premio para os dous galegos que entraron no ‘top 5’ do MIR

Miguel Villamarín Melio e Lucía Rodríguez Rodríguez, graduados en Medicina pola Universidade de Santiago de Compostela, foron galardoados nos VI Premios MIR organizados pola Fundación Uniteco Profesional e nos que colabora a Fundación CTO. Estes premios recoñecen os 25 postulantes que mellor resultado obtiveron en 2018 nas probas de acceso a Médico Interno Residente (MIR) e nos que Miguel quedou 2º no MIR e mellor exame e Lucía acadou o 4º posto. Ao acto, celebrado en Madrid, acudiu tamén o decano da Facultade compostelá, Julián Álvarez Escudero. 

Nesta convocatoria presentáronse máis de 14.000 graduados en Medicina para algo máis de 6.000 prazas ofertadas en hospitais e centros de saúde públicos de toda España. E entre os 25 primeiros hai graduados en Medicina de 17 universidades diferentes de todo o territorio estatal, destacando a Complutense con 5 alumnos dentro do ránking. Séguenlle as Universidades de Santiago, Murcia, Navarra e Autónoma de Madrid, con dous estudantes cada unha.

Os Premios á Excelencia MIR están organizados pola Fundación Uniteco Profesional da axencia de seguros homónima especializada na xestión de riscos para médicos e cuxa función principal é acompañar os profesionais sanitarios na súa carreira profesional.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.