Imaxe aérea da Escola Naval Militar de Marín. Foto: Duvi.

A UVigo organiza un encontro da OTAN e a Dirección General de Armamento

Na xuntanza serán presentados dous novos sistemas de medida de firmas radar (DIAR) e infravermella (DIFI)

A Escola Naval Militar de Marín acollerá esta semana a 5ª xuntanza do equipo técnico da Science and Technology Organization da OTAN, un organismo que estuda os beneficios da xestión da firma radar dos buques. A cita está organizada polo Centro de Medidas Electromagnéticas (Cemedem), situado na Escola Naval Militar, e pola Universidade de Vigo e contará coa asistencia de 30 persoas en representación de sete países da OTAN.

Na xuntanza presentaranse as capacidades dos dous novos sistemas de medida de firmas radar (DIAR) e infravermella (DIFI), financiados pola Dirección General de Armamento (DGAM) e desenvoltos pola Universidade de Vigo, que serán entregados ao Cemedem antes de finais deste ano.

A Science and Technology Organization é a principal organización de investigación en ciencia e tecnoloxía da OTAN e o seu obxectivo é satisfacer as necesidades colectivas da OTAN e das nacións neste campo. O traballo científico e tecnolóxico da STO é levado a cabo polos equipos técnicos, formados por expertos dos diferentes países da OTAN.

Trátase de grupos temporais que se establecen dentro das áreas tecnolóxicas da STO para a realización de actividades específicas, que poden abarcar dende a realización de estudos sobre temas científicos, tecnolóxicos ou operativos ata a organización de eventos como simposios, conferencias e obradoiros, pasando pola realización de demostracións e experimentos tecnolóxicos.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.