Reitoría da Universidade da Coruña.

A Universidade da Coruña acolle a apertura do curso académico en España

O ministro en funcións, Pedro Duque, participará nos actos co discurso inaugural a cargo da catedrática Amparo Alonso Betanzos

A Universidade da Coruña acollerá a apertura do curso académico das universidades españolas o vindeiro día 30 de setembro, nun acto que contará coa presenza do Ministro de Ciencia, Innovación y Universidades, Pedro Duque.

O presidente da Xunta de Galicia, Alberto Núñez Feijóo, e o reitor da UDC, Julio Abalde Alonso, recibirán na Reitoría ao presidente de CRUE Universidades Españolas, José Carlos Gómez Villamandos, así como ao resto de reitores das universidades españolas, aos académicos e autoridades civís e militares. A lección inaugural correrá a cargo da catedrática Amparo Alonso Betanzos. Investigadora en intelixencia artificial, Alonso Betanzos é coordinadora do grupo de investigación Laboratorio de I+D en Intelixencia Artificial da Facultade de Informática da UDC e presidenta da Asociación Española de Inteligencia Artificial.

Curso Universitario Galego

As universidades galegas celebrarán o vindeiro 6 de setembro, ás 12:00 horas, o acto de apertura conxunta do curso universitario galego que terá lugar no Colexio Fonseca da Universidade de Santiago de Compostela. O discurso de apertura correrá a cargo do profesor Rafael Cela Torrijos, catedrático de Química Analítica, sobre o tema “A década que cambiou a química analítica”. As clases na Universidade da Coruña comezarán o día 9 de setembro.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.