Xoves 28 Marzo 2024

100% limpadoras; 14% catedráticas; 0% reitoras

Maioría na base, minoría na elite. A muller segue afastada dos postos de responsabilidade da universidade en Galicia. Aínda que elas son o 54% do alumnado universitario e o 63% dos que acadan a titulación, os cargos seguen a ser copados por homes. Vigo, Santiago e A Coruña non difiren do panorama xeral da universidade en España. Que vai mellorando, pero hai datos abraiantes nas nóminas: En Santiago, por exemplo, só hai un 12,4% de catedráticas, unha por cada 9 homes. Pero todo o persoal do servizo de Limpeza son mulleres: 42 de 42. Mesmo o emprego, na súa relación de postos de traballo, está descrito como “limpadora”, con “a”. E hai que recordar que, en galego, o xenérico coincide co masculino, non co feminino.

O dato pode parecer menor, pero amosa que existe unha pirámide laboral, na que a muller ocupa os postos menos cualificados e peor remunerados. De feito, un estudo presentado polo sindicato UXT afirma que a muller percibe en España, como media, un 24% menos de salario. En parte, porque non acceden aos empregos máis apetecibles.

Publicidade

En Galicia, só hai un 14 por cento de catedráticas. Vigo, co 18,5%, é a universidade con maior acceso á cátedra, seguida de Santiago (12,4%)A Coruña (11,1%). Vigo, que nin chega ao 20%, equivalente a unha de cada cinco cátedras, está nunha situación de privilexio, pois a media en España é do 13,11%.

En canto a profesores titulares, Santiago está na cabeza, cun 43,6% de mulleres, seguida de Vigo (38%) e A Coruña (37,3%). As tres institucións galegas superan a media estatal, que é do 35 por cento.

Vigo ten o 50% de decanas; Santiago, o 31,58%; A Coruña, o 10%

Se non chegan na docencia, tampouco na política universitaria. Nunca houbo unha reitora en Galicia. En España, hai 10 fronte a 64 homes. Son o 13,51 por cento. Aínda que a situación mellora: en 2001, eran o 5%.

A situación equilíbrase nos vicerreitorados. En España só hai un 39% de vicerreitoras. Pero na Coruña, hai un 44 por cento. E, tanto Vigo coma Santiago, practican a paridade: 50%.

Nos decanatos, a única universidade que alcanza a paridade é Vigo. Santiago ten un 31,58% de decanas e A Coruña, un exiguo 10%.

O sábado 8 de marzo celébrase o Día da Muller Traballadora. Un bo momento para reflexionar e actuar. E para facerse preguntas incómodas: Por que a Real Academia Galega de Ciencias pasou 36 anos sen admitir mulleres? Cando menos, hai un consolo positivo: dende 2014, xa as hai.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Elena Vázquez Cendón: “A fórmula buscada é a igualdade, a solución correcta é o equilibrio”

A premio María Josefa Wonenburguer 2022 abre as xornadas A Foto 51 de Pontevedra, ciencia e reflexión ao abeiro do Día da Muller e a Nena na Ciencia

A Deputación da Coruña crea unha táboa periódica para concienciar en igualdade

A campaña pon o foco no desexo mutuo e no consentimento, interpelando directamente ao posible agresor e nunhas festas libres de medo

A elección dunha muller para o Nobel de Química altera a tendencia a premiar investigacións masculinas

O 50% das científicas galardoadas dende 1901 recibiron o recoñecemento nos últimos 20 anos

Atopada en Atapuerca a cara do homínido máis antigo de Europa

Os investigadores abren de novo as portas ao estudo do xénero humano e a descifrar o enigma da aparición do rostro moderno