Venres 29 Marzo 2024

Transbordador espacial elevándose

transbordador espacial
Créditos da imaxe: NASA.

Explicación: que está a subir desde as nubes? O transbordador espacial. Ás veces, se tiveses mirado pola xanela dun avión no lugar e intre xustos, poderías ter ollado algo moi estraño: un transbordador espacial despegando á órbita. As fotografías do transbordador subindo mailo seu ronsel difundíronse moito pola rede xusto despois do derradeiro lanzamento do Endeavour en maio de 2011. A foto superior tirouse desde un avión de transporte de adestramento pola NASA e non ten copyright. A imaxe, tomada ben por riba das nubes, pode compararse con imaxes similares do mesmo ronsel do transbordador tiradas baixo as nubes. Os gases quentes e brillantes expulsados polos motores poden verse preto do transbordador subindo, así como un longo penacho de fume. No banco de nubes aparece unha sombra do penacho, sinalando a dirección do Sol. O programa Transbordador Espacial dos Estados Unidos rematou en 2011, e o Endeavour pode visitarse agora no California Science Center.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente