Venres 29 Marzo 2024

A alimentación do tiburón touro Gastón no Aquarium Finisterrae

O tiburón touro Gastón vive dende o 24 de maio de 2006 no oceanario do Nautilus do Aquarium Finisterrae. Mide tres metros de lonxitude e conta con 100 quilos de peso. Os visitantes que se acheguen as 11:30 da mañan os luns, mércores e vernes teñen a oportunidade de ver como se alimenta Gastón e os seus compañeiros de auga.

Provén do Oceanópolis de Brest, Francia, e tras tres meses na sala de corentena adaptándose á temperatura e a calidade da auga galega, trasladouse ao Nautilus, facéndolle compañía a Hermosa, o pequeno tiburón touro femia que vive alí dende hai anos.

Publicidade

O tiburón Gastón no Nautilus. Foto: La Voz de Galicia
O tiburón Gastón no Nautilus.
Foto: La Voz de Galicia

Aínda que provén de Francia, Gastón non é bretón, senón que é sudafricano. Naceu en 1996 fronte a Cidade do Cabo, na confluencia entre os océanos Atlántico e Índico. Aos tres anos foi capturado e trasladado a Oceanópolis ,onde viviu con outros exemplares da mesma especie. Co tempo, esta convivencia volveuse moi tensa e Gastón tivo que ser enviado a augas máis tranquilas, ao Aquarium de Finisterrae.

Os tiburóns touro (Carcharias taurus), son depredadores que se alimentan de peixes, cefalópodos e crustáceos. As femias paren as súas crías cando xa están formadas mentres que os pequenos tiburóns ás veces devoran aos seus propios irmáns cando aínda están no ventre materno.

Esta especie é a única que sae a superficie a tomar o aire, gardándoo no estómago para manter a súa flotabilidade e non afundirse ata o fondo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar
00:03:53

Unha xornada de resistencia contra as especies invasoras

Científicos, voluntarios e curiosos danse cita no Aquarium Finisterrae da Coruña para coñecer mellor estas especies e frear a súa expansión no noso ecosistema

O Aquarium Finisterrae realizará un taller de divulgación científica con focas

O próximo luns ás 10.00 horas ábrese o para a reserva de entradas para as sesións de abril, maio e xuño de 2023

Os Museos Científicos Coruñeses abrirán toda a Semana Santa

A Casa das Ciencias, a Domus e o Aquarium Finisterrae ofrecen unha programación especial polos festivos para toda a familia