Únete á nosa canle de Whatsapp
O outono xa comezou pero, o verán, dende o punto de vista meteorolóxico, resístese a marchar. Despois dunha fin de semana marcada polo descenso das temperaturas mínimas, nos últimos días de setembro os termómetros soben ata os 30 graos en Galicia. Este situación climatolóxica que adoita acontecer coa entrada oficial do outono coñécese popularmente como “Verán de San Miguel” por coincidir co día da festividade de San Miguel Arcanxo, o 29 de setembro. Caracterízase polos días calorosos e ceos despexados, este ano afectará a toda a península e en zonas do suroeste poderán acadarse os 35 graos.
O Verán de San Miguel é un fenómeno climatolóxico que non está garantizado todos os anos. Refírese a un breve período de tempo no que a estabilidade atmosférica despraza o clima outonal. Este episodio adiántase este ano, posto que a semana xa comeza en Galicia con temperaturas por riba dos 25 graos. Existen tamén outras maneiras de denominar o acontecemento, como o ‘Verán dos Arcanxos’ ou o ‘Verán do Marmelo’, por coindicir coa maduración deste froito. En realidade, non hai unha base científica que explique este episodio climatolóxico e todas as denominacións nacen da observación popular.
Para entender este rumbo no clima, dente eltiempo.es explican que “o verán xa terminou e sufrimos a primeira rabexada do outono. Esta época do ano caracterízase pola transición entre estacións. Intercálanse os días cálidos cos frescos. A atmosfera cambiante adoita provocar despois uns días de bo tempo”.
O mércores entra unha borrasca pouco activa
Aínda que este verán fugaz chega o luns 25 de setembro, haberá unha pequena pausa debido ao paso dunha fronte pouco activa que afectará ao noroeste de Galicia. É unha borrasca que rozará o mércores á comunidade e que poderá descargar precipitacións de carácter feble. As temperaturas baixarán o mércores e repuntarán a partir do xoves para reanudar os días calorosos e ceos completamente azuis. Dende MeteoGalicia apuntan que estes vindeiros días haberá unha “sucesión de situacións intermedias entre altas e baixas presións” sen unha influencia anticiclónica moi clara, pero con borrascas que poden estar cerca da nosa comunidade. Galicia é a única comunidade con probabilidade de chuvia esta semana pero, igual que ao resto da península, espéralle unha fin de semana calor.
