Venres 29 Marzo 2024

Stanley Prusiner, Nobel de Medicina en 1997, falará en Santiago o 23 de maio

Xa hai data para a visita a Santiago do próximo convidado do Programa Conciencia. Stanley Prusiner, descubridor dos prións, falará o vindeiro mércores 23 de maio ás 10 da mañá no Pazo de Congresos e Exposicións de Galicia, en San Lázaro. A súa conferencia levará por título  ‘Unha visión unificada da bioloxía e as enfermidades priónicas’.

A nova actividade do Programa Conciencia, impulsado pola USC e o Consorcio de Santiago, conta coa colaboración de Prion 2018 e da Fundación Española para la Ciencia y la Tecnología (Fecyt) do Ministerio de Economía, Industria y Competitividad.

Publicidade

Prusiner gañou o Nobel de Medicina en 1997 polos achados realizados a comezos do anos 80, cando descubriu os prións, un novo principio biolóxico de infección que causa enfermidades neurodexenerativas mortais como a enfermidade de Creutzfeldt-Jakob (ECJ) ou a doenza das vacas tolas.

Este premio Nobel naceu en Des Moines (Iowa) en 1942. Estudou Medicina na universidade de Pennsylvania e traballou no NIH con Earl Stadtman, onde se familiarizou coas técnicas da bioquímica de proteínas. Posteriormente realizou a residencia en Neuroloxía na universidade de California en San Francisco. Alí tratou unha doente con enfermidade de ECJ e quedou completamente fascinado por esta doenza. Naquel tempo pensábase que era causada por un denominado “virus lento”. Dende entón, Stanley Prusiner dedicou todas as súas enerxías a caracterizar o axente causante de dita enfermidade.

Despois de anos de traballo, Prusiner chegou a un descubrimento sorpremente: o axente infeccioso causante da Creutzfeld-Jacob carecía de ácidos nucleicos (a base da transmisión da información xenética): estaba constituído unicamente por proteína. Prusiner denominou a esta nova entidade biolóxica “prión”.

Os prións impoñen a súa forma ás proteínas, converténdoas en potenciais axentes infecciosos

Os prións defínense como agregados proteicos que se propagan ao impoñeren a súa forma (conformación, na linguaxe bioquímica) a unha proteína de conformación normal. Podería dicirse que impoñen o seu molde ás proteínas. Dito tecnicamente, os prións propagan as súas estruturas cuaternaria, terciaria e secundaria; non como no caso dos ácidos nucleicos, a primaria.

Nos últimos anos, despois de recibir o Nobel, volveu chamar a atención da comunidade científica coa hipótese de que enfermidades neurodexenerativas moi prevalentes, como a de Alzheimer, están provocadas por prións.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A UVigo reivindica no Día Mundial da Auga a importancia do seu acceso universal

A universidade impulsa a concienciación través dunha serie de pódcast con nenos e nenas e dun concurso escolar de microrrelatos
00:03:09

As patacas teñen lingua propia: o vídeo dunha galega finalista nun certame de divulgación

A investigadora da Misión Biolóxica de Galicia Lucía Martín Cacheda presenta unha peza audiovidual sobre a comunicación química das plantas

Inmaculada Rodríguez: “Antes faciamos empresas de parafusos, agora de ciencia e tecnoloxía”

A directora xeral de Unirisco reclama dar o salto da investigación á empresa nas xornadas 'Investir en Ciencia si é rendible’, que organiza xunto a Noso Capital

Galicia lidera o debate sobre a rendibilidade da ciencia da man de Unirisco

Universidades europeas e centros de investigación analizarán en Santiago o impacto das tecnoloxías disruptivas e a importancia de crear ecosistemas emprendedores