Venres 29 Marzo 2024

O IDIS, á vangarda na “rotavolución” contra a gastroenterite infantil

Segundo estimacións da OMS realizadas en 2008, o rotavirus, o principal axente que provoca gastroenterite infantil, mata cada ano 450.000 nenos no mundo, a maior parte deles, en países subdesenvolvidos. En España, onde a súa vacina non é obrigatoria, provoca cada ano 240.000 infeccións e 7.500 hospitalizacións. Desde Santiago de Compostela, o grupo Genvip, adscrito ao Instituto de Investigacións Sanitarias (IDIS), traballa arreo en estudos sobre os efectos da vacinación fronte a este axente infeccioso.

A pasada semana, Federico Martinón, xefe de pediatría do CHUS e responsable do grupo Genvip, participou  en Utrecht (Países Baixos) nun congreso de expertos na vacina do rotavirus. Alí presentou os últimos resultados dos traballos que se levan a cabo no centro sanitario compostelán. Entre eles, expuxo as conclusións do estudo dos mecanismos celulares que protexen aos pacientes grazas á vacinación, así como a identificación dunha “pegada” de sinais inmunolóxicas nos doentes infectados que garda correlación coa gravidade da enfermidade.

Publicidade

Estrutura do rotavirus.
Estrutura do rotavirus.

Na mesma liña está o estudo publicado tamén por Genvip, no que o profesor da USC Antonio Salas identifica os xenes clave na infección por rotavirus. Tras analizar a expresión xenética de máis de 20.000 xenes, obtiveron “resultados esperanzadores” en relación á “pegada” que xorde tras a infección. Detectouse, por exemplo unha activación excesiva de determinados xenes e a inhibición doutros. Disto dedúcese que existen mecanismos moleculares “que o hóspede emprega para protexerse dunha infección por rotavirus”, segundo Salas.

Todos estas investigacións enmárcanse baixo o concepto da rotavolución, un novo enfoque, máis amplo, sobre os efectos que os rotavirus causan no organismo. “A infección intestinal é só a punta do iceberg, xa que o rotavirus pode ser responsable de outras manifestacións sistémicas, non só gastrointestinais”, como a enfermidade celíaca ou as convulsión, segundo explica Federico Martinón. Do mesmo xeito, a vacinación contra o virus pode ter máis resultados beneficiosos.

O rotavirus aínda causa unhas 450.000 mortes cada ano

O Genvip xa demostrou en anteriores estudos que a taxa de ingresos por convulsións é menor nos nenos vacinados contra o rotavirus. “Estimamos que unha crianza vacinada ten un 20 por cento menos de risco de padecer convulsións”, apunta Martinón. Pero é que ademais, dos resultados do traballo pódese deducir que este axente infeccioso pode activar a posta en marcha da enfermidade celíaca en nenos xenéticamente susceptibles polo que “sería importante comprobar o efecto da vacina do  rotavirus” nesta patoloxía.

Actualmente, a inmunización contra o virus non é obrigatoria en España, a diferenza de outros países europeos. Ante a demostración destes novos beneficios, Martinón di: “Confiamos que as autoridades teñan en consideración estes datos, que están sendo utilizados noutros países para a toma de decisións”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Os proxectos galegos REDILE e NEmecum, galardoados nos III Premios Ennova Health

Investigadores do HULA e do CHUS, premiados por iniciativas para a rehabilitación dos trastornos da linguaxe e para corrixir a desnutrición de pacientes hospitalizados

A misteriosa pneumonía infantil de China: “Sospeitamos dos patóxenos habituais”

O pediatra Federico Martinón cre que a repunta de enfermidades respiratorias en nenos se pode deber á fin das restricións covid

Un estudo galego revela que as persoas con demencia teñen máis sensibilidade á música

O proxecto Sensoxenona evidencia que a música “afina” a expresión dos xenes alterados en pacientes con enfermidades neurodexenerativas

Un estudo da USC valida a eficiencia de ChatGPT fronte aos mitos sobre as vacinas contra a covid

Investigadores galegos analizan as respostas do popular chatbot fronte ás crenzas falsas máis estendidas sobre o coronavirus en redes sociais