Xoves 28 Marzo 2024

Reunión do grupo de investigación EcosHaz para previr catástrofes no litoral

Persoal investigador do grupo Eco-Iuris da USC participa no proxecto europeo EcosHaz (Economics of Prevention Measures Addresing Coastal Hazards) que estes días se reúne na USC para tratar de definir un marco de referencia sobre os custes e beneficios da prevención e resposta ás ameazas costeiras que resultan de eventos hidrometeorolóxicos (inundacións, erosións da costa, fortes oleaxes por tormentas, aumentos no nivel do mar) e accidentes que causan vertidos de hidrocarburos. Forman parte tamén do proxecto as Universidades Pablo Olavide, Middlesex University e Universita degli Studi di Catania, e o Maritime Institute in Gdansk e Sigma Consultants Ltd.

A xuntanza de traballo que está a ter lugar no Centro de Estudos Avanzados baixo o lema ‘ Economía da prevención de riscos costeiros’ inclúe un obradoiro aberto no que se debaterán diferentes temas de actualidade como a rendibilidade das medidas de prevención de riscos costeiros e a función dos stakeholders, a aplicación das directivas en materia de inundacións, os plans de continxencia existentes no caso de vertidos mariños (con especial atención ao caso galego) ou os mapas de risco de erosión costeira, entre outras cuestións.

Publicidade

O grupo estuda plans ante inundacións, vertidos mariños ou erosión costeira

Ao longo de dous anos de traballo que se completarán en 2016, este proxecto internacional traballa na avaliación dos coñecementos actuais así como as deficiencias e retos detectados no proceso da análise custe-beneficio aplicados ao ámbito dos riscos costeiros en clave económica, así como no desenvolvemento dun mecanismo eficaz de intercambio de coñecemento para analizar boas prácticas tantos dos socios do proxecto como de experiencias internacionais.

O labor deste equipo de expertos e expertas tamén permitira crear un sistema de información integrado con ferramentas de apoio que proporcione orientación e acceso a unha rede de asesores especializados, materiais e outros recursos en situacións de catástrofe ambiental na costa. O abano de resultados incluiría igualmente a realización de accións piloto que subliñen e mostren exemplos de boas prácticas e faciliten a adaptación dos métodos máis adecuados a cada ámbito xeográfico.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Santiago rexistrou máis de 2.300 horas de Sol en 2023, a segunda marca máis alta do século

A chuvia recollida ao longo do ano superou os 2.000 litros por metro cadrado, mentres que a temperatura máxima foron os máis de 36 graos do pasado 8 de agosto

A calidade do aire en Santiago, no límite das recomendacións da OMS segundo un estudo

ConBici presenta os resultados dun proxecto no que colabora a USC e que mediu a calidade do aire en 18 cidades españolas durante dous anos

O falso mito das casas galegas de pedra: cando os muros eran brancos

Hai 100 anos, as vivendas galegas cubríanse de cal por cuestións hixiénicas e de illamento térmico, pero unha nova corrente estética do século XX reverteu a tendencia

Pódcast: Bailando con Reis e Raíñas | 13. A inventio da tumba do Apóstolo

O descubrimento da tumba do Apóstolo no século IX foi a reacción do poder hexemónico franco ao florecente emirato de Córdoba