Xoves 28 Marzo 2024

O Parlamento Europeo declara a “emerxencia climática”

A cámara comunitaria aprobou este xoves unha resolución para alertar dos problemas medioambientais, a poucos días do cumio do clima de Madrid

A poucos días do cumio da ONU sobre cambio climático que se celebra en Madrid do 2 ao 13 de decembro, o Parlamento Europeo adoptou este xoves unha resolución na que declara unha “emerxencia climática e ambiental” en Europa e a nivel global. O texto tamén pide á Comisión Europea que garanta que todas as súas propostas lexislativas e orzamentarias teñen en conta o obxectivo de limitar o quecemento global a un máximo de 1,5° C.

Nunha segunda resolución, a Cámara insta á UE para presentar a súa estratexia para lograr a neutralidade das emisións tan pronto como sexa posible, e para 2050 como moi tarde, á Convención da ONU sobre cambio climático. Os eurodeputados tamén piden á nova presidenta da Comisión Europea, Ursula Von der Leyen, que inclúa un obxectivo de redución das emisións de gases de efecto invernadoiro do 55% para 2030 no Pacto Verde europeo.

Publicidade

A resolución na que o Parlamento declara a emerxencia climática e ambiental foi aprobada con 429 votos a favor, 225 en contra e 19 abstencións, mentres que o texto sobre o cumio do clima de Madrid recibiu o apoio de 430 eurodeputados, 190 votaron en contra e 34 abstivéronse.

O Parlamento súmase así  a varios parlamentos nacionais (como Portugal, Gales, Arxentina, Escocia, Canadá ou Irlanda), administracións locais e científicos declararon xa que o planeta afronta unha emerxencia climática. En canto ao obxectivo de alcanzar un balance neto de cero emisións en 2050, a Comisión Europea xa presentou unha proposta nese sentido, pero o Consello Europeo non o apoiou debido ao rexeitamento de Polonia, Hungría e a República Checa.

11.000 científicos declaran a ‘emerxencia climática global’

No seu texto, o Parlamento considera que os obxectivos actuais de recorte das emisións nos sectores do transporte marítimo e a aviación son pouco ambiciosos. Na súa opinión, todos os países deberían incluír a estes sectores nos seus plans nacionais de contribución (NDC). Os eurodeputados tamén expoñen a inclusión do sector marítimo no sistema europeo de comercio de emisións.

Neste sentido, o parlamento comunitario recomenda que os países membros deberían, polo menos,  duplicar as súas contribucións ao Fondo contra o cambio climático, xa que “os Estados son os principais provedores de financiamento público contra o cambio climático e o orzamento da UE debería aliñarse cos seus compromisos internacionais”, apuntan.

Os eurodeputados advirten, ademais, que os compromisos anunciados polos países desenvoltos non alcanzan o obxectivo colectivo de 100.000 millóns de dólares anuais a partir de 2020.

A ONU advirte: as temperaturas subirán 3,2 ºC aínda cumprindo o Acordo de París

Por último, fan un chamamento urxente a todos os países da UE para que eliminen progresivamente todas as subvencións directas e indirectas aos combustibles fósiles para 2020.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A praia de Barra agocha unha aldea soterrada: un cambio climático invadiu todo de area hai 500 anos

Unha investigación publicada por Andrés Pino analiza o impacto social e económico da Pequena Idade do Xeo no asentamento de Cangas

Galicia rexistra o cuarto inverno máis cálido en 60 anos

As precipitacións foron un 18% superiores ao habitual para este período, sendo especialmente abondosas en febreiro

Os osos polares, en risco de morrer de fame polo desxeo do Ártico

Un estudo demostra que as estratexias alimenticias destes animais para sobrevivir nunha contorna de terra non evitan que perdan peso

Intelixencia artificial ante o cambio climático: ameaza ou aliada?

Os algoritmos que fan a vida máis sinxela teñen unha gran pegada de carbono. Esta tecnoloxía tamén axuda a resolver problemas ambientais