Xoves 28 Marzo 2024

Alerta por ozono e partículas no aire en Galicia esta fin de semana

A cor vermella tinxe o mapa da calidade do aire en Galicia. Meteogalicia vén de publicar unha nota informativa para explicar que a situación pasa a ser calificada como ‘mala’ durante toda a fin de semana. Os modelos predín unha concentración de ozono máis alta do habitual para a tarde do día 16 e o día 17 e que probablemente continúe o día 18, coincidindo coas altas temperaturas en Galicia. Todas as cidades galegas estarán en sinal vermello en varias horas desta fin de semana, agás Lugo, que non superará o amarelo, segundo as previsións.

“O fenómeno afectará a practicamente toda a comunidade pero será máis intenso o sábado e no leste de Galicia. Espéranse concentracións de ozono que superen o valor límite para a media móbil octohoraria, establecido en 120 µg/m3 , que se pode superar en 25 ocasións ao longo do ano, co cal o índice de calidade do aire (ICA) será admisible (amarelo) e incluso malo (vermello)”, explica Meteogalicia.

Publicidade

Tamén existe a posibilidade de que se supere o limiar de información á poboación, definido en 180 µg/m3 nunha hora, en pequenas áreas do sur de Pontevedra. Trátase dun nivel deste contaminante a partir do cal unha exposición de breve duración supón un risco para a saúde humana dos grupos de poboación especialmente vulnerables polo que a Administración competente debe dar unha información inmediata e apropiada.

En caso de se supere o limiar de información á poboación, activarase o “Protocolo de actuación en situacións excepcionais de contaminación atmosférica en Galicia”. Ademais dos niveis de ozono mais elevados do habitual nestas datas, os modelos tamén prevén a continuación do episodio de intrusión de masas de aire africano que está tendo lugar sobre a Península e as illas Canarias aos longo dos días 17, 18 e 19 de xuño. Estímanse concentracións de po en superficie entre 10-100 µg/m³ para Galicia.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A borrasca Nelson activa a alerta en Galicia por chuvias, vento e temporal marítimo

A Semana Santa comeza con aviso laranxa por ondas de 7 metros en todo o litoral e amarelo por acumulación de chuvia de ata 40l/m2 en tan só 12 horas

Un río atmosférico empapa Semana Santa: Galicia poderá superar os 100 l/m² 

A situación de inestabilidade continuará durante a fin de semana, cando podería producirse unha cicloxénese explosiva no oeste da península

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra