Venres 29 Marzo 2024

Medio Ambiente autoriza unha batida de lobos en Friol tras novos ataques ao gando

Varios gandeiros do municipio lucense de Friol sufriron nos últimos meses a perda de varios animais debido aos ataques dos lobos. A raíz destes incidentes, os tecores da zona solicitáronlle á Consellería de Medio Ambiente a realización dunha batida. Segundo adiantaba o diario El Progreso e confirman a GCiencia fontes da consellería, a acción xa foi autorizada, co obxectivo de rematar cos “danos recorrentes” que sofren as ganderías da zona. Está prevista que a caza se leve a cabo a finais deste mes ou comezos de febreiro, sempre segundo as directrices establecidas polo ente autonómico.

O municipio de Friol está encadrado na zona 1, segundo o Plan de Xestión do Lobo de Galicia, na cal, en base á normativa, poderanse realizar “controis puntuais” -é dicir, batidas- “non previstos na planificación, a solicitude das persoas afectadas polos ataques do lobo, no caso de danos recorrentes e tendo en conta os criterios establecidos a tal fin”. Nos últimos anos, varios medios de comunicación fixéronse eco dos ataques dos cánidos ao gando da zona.

Publicidade

Ante a inminente batida, a asociación Adega reclamoulle á Xunta a denegación da mesma. Califica este tipo de medidas como “de moi marcada excepcionalidade“, que “só debería ter lugar cando quedara demostrado non resultar efectivas a aplicación combinada de medidas preventivas e pagos por danos”. A entidade ecoloxista incide, deste xeito, en priorizar o asesoramento aos afectados por parte das administracións, para previr os ataques. E, por outra banda, tamén lle demanda á axilidade nos pagos polos danos causados polo lobo.

Respecto aos datos sobre a poboación do lobo, Adega lembra tamén que as cifras oficiais amosan “un estancamento” do número de exemplares.

2 COMENTÁRIOS

  1. Mais gando mostrenco e cabalos pro monte.
    Establecementos en lugares puntuais de muladares onde depositar alimento . En Zamora na Serra da Serpe funciona este recurso.
    O lobo temos que mantélo. Os pagos ós gandeiros damnificados deben de axilizarse.
    Labor de educación medioambiental no colectivo de cazadores.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O mapa que revela o territorio galego incompatible coa implantación eólica

Para a elaboración do informe a ONG SEO/BirdLife tivo en conta as figuras de protección e as zonas de alto valor ecolóxico

Un equipo da UVigo constata que o granulado ten aditivos con "toxicidade crónica" e irritantes para os ollos

O grupo liderado por Ricardo Beiras analiza un dos informes encargados pola Xunta para coñecer a composición das bólas plásticas

As autoridades descoñecen os aditivos químicos dos plásticos un mes despois da vertedura

O único dato oficial sobre as bólas é que están feitas de polietileno, o plástico máis común, pero aínda non se sabe que outras substancias conteñen

Así afecta o eucalipto á biodiversidade na illa de Tambo

Un estudo coordinado por Adega demostra que as áreas de maior riqueza natural son nas que hai unha menor presenza de 'Eucalyptus globulus'