Xoves 28 Marzo 2024

Foro empresarial sobre a industria leiteira no Campus Terra

A Aula de Produtos Lácteos e Tecnoloxías Alimentarias (Aplta) do Campus Terra da USC acolle este xoves, na Facultade de Veterinaria de Lugo, arredor dun centenar de participantes na terceira edición do foro sobre Ingredientes e Aditivos na Industria Leiteira e Alimentaria. A reunión vai dirixida especialmente a responsables e técnicos dos departamentos de I+D+i, márketing, produción e calidade de empresas do sector leiteiro, en particular. Nun contexto máis amplo, diríxese tamén a profesionais do sector alimentario.

O foro de traballo desenvolverase os días 15 e 16 de xuño, e o programa xa esta dispoñible na rede. Participarán compañías multinacionais como Chr. Hansen, DSM, IFF, Frulact, FMC, Beneo, GBI, Ceamsa, Biópolis, CPKelco, un amplo abano de empresas que presentarán en Lugo as súas principais novidades nos aditivos e ingredientes empregados na formulación de alimentos a partir de experiencias e estudos xa desenvolvidos.

Publicidade

A multinacional Mintel e colaboradores do clúster luso de alimentación, Portugal Foods, presentarán neste foro as tendencias actuais dos consumidor, ao tempo que analizarán as futuras demandas globais no ámbito da alimentación, o que servirá ás empresas para orientar próximas estratexias de comercialización dos seus produtos.

A organización habilitará un espazo de presentación de produtos no que as empresas contarán cunha área específica de exposición, cata de prototipos e produtos comerciais nas instalacións de Aplta, cuxas instalacións tamén serán obxecto de visita por parte dos congresistas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos