España rexistra unha baixada no número de falecidos diarios: 517. Segundo o último balance do Ministerio de Sanidade, 17.489 morreron desde o inicio da crise sanitaria, mentres que se rexistran xa 169.496 contaxios e 64.727 recuperados.
No mundo, hai máis de 114.200 persoas falecidas e máis de 1,8 millóns de infectados, segundo a Universidade Johns Hopkins.
O Ministerio de Saúde de China confirmou este luns 108 casos novos de coronavirus, dos que 98 proceden do estranxeiro, e dúas mortes máis, na provincia de Hubei, cuxa capital, Wuhan, é o epicentro da pandemia.
A cifra de falecidos en China ascendeu a 3.341, despois do último balance das autoridades sanitarias.
O presidente dos Estados Unidos, Donald Trump, aprobou a situación de desastre no estado de Wyoming a causa do coronavirus, polo que por primeira vez na historia todos os estados da unón están simultaneamente nesta condición.
Estados Unidos, que superou este sábado a Italia en falecidos no mundo con coronavirus, rexistra xa máis de 555.000 contaxiados e 22.000 decesos. A mortalidade está a ser especialmente alta entre a poboación afroamericana: calcúlase que en torno ao 70% dos falecidos pertencen a este grupo étnico. O epicentro do brote do país é Nova York, con máis de 9.000 mortos,
Na Arxentina, o informe do Ministerio de Saúde difundido esta noite en Buenos Aires eleva a 95 as vítimas fatais por coronavirus e a 2.208 os casos positivos, 66 máis que o sábado.
Romanía supera os 6.000 contagios e suma 314 falecidos. Rusia eleva o balance do coronavirus a máis de 18.000 persoas contaxiadas e 148 mortos.
Aquí podes consultar os últimos datos do Ministerio de Sanidade
Estass cifras aún anuncian el desastre producido por este flagelo. La poca atención brindada a su peligrosidad por parte de las comunidades y de los Estados. No es castigo de Dios a la usanza del Antiguo Evangelio es abandono de Dios. Gracias por permitirme estas opiniones.Roberto