Únete á nosa canle de Whatsapp
Explicación: como afecta o vento á area en Marte? Para axudar a averiguar se difire moito da Terra, o todoterreo automático Curiosity sobre Marte foi enviado a investigar a escura duna Namib no campo dunar Bagnold dentro do cráter Gale. Namib é a primeira duna activa de area investigada de preto fóra do planeta Terra. As ondas creadas polo vento nas areas terrestres semellan parecidas as ondas marcianas, cunha excepción. Os cumios máis grandes visibles sobre a escura duna Namib, cunha media de 3 metros de altura, son dun tipo visto só baixo as augas da Terra. Semellar emerxer sobre Marte polo xeito no que o feble vento marciano arrastra as partículas de area escura. A imaxe publicada foi tirada o decembro pasado e está comprimida horizontalmente para amosar o contexto. Ao lonxe, unha paisaxe normal poeirenta marciana ascende en laranxa claro, mentres unha paisaxe con rochas espalladas pode ollarse no extremo dereito. O Curiosity entrou de xeito inesperado en modo seguro a comezos de xullo, pero foi reiniciado a semana pasada e agora volveu a explorar o interior do cráter Gale, unha vez cheo cun lago, na procura de signos adicionais de que unha vez fora habitable para a vida microbiana.
