Dous documentales galegos competirán por facerse cos ‘Goyas’ do cine submarino no Festival de San Sebastián CIMASUB, que fará públicos esta semana os seus galardóns. Os vídeos ‘Mareas Vermellas’ e ‘SyngDOC’ entran en concurso xunto con traballos de varios países europeos, ademais de Canadá, Colombia ou México.
O documental ‘Mareas Vermellas’ está dirixido por Manuel García Blanco (IIM-CSIC) e por Jorge Hernández Urcera (IEO), e xa recibiu unha mención honorífica no Premio Prismas 2017 na categoría de audiovisuais sobre ciencia. Foi cofinanciado pola Fundación Española de Ciencia y Tecnología (Fecyt) e BioImaxe e recibiu o apoio do IEO.
O audiovisual, producido por Bioimaxe, amosa a relación existente entre as condicións oceanográficas e a dinámica fitoplanctónica responsable da presenza de biotoxinas nas rías, así como o papel da comunidade científica na investigación de sistemas fiables de detección e de métodos de análises exhaustivas que consigan a prevención ou detección temperá destes episodios tóxicos.
“SyngDoc: O mundo secreto dos Signátidos” adéntrase no mundo dos cabaliños de mar co financiamento da Axencia Estatal CSIC e da Fundación Española para a Ciencia e a Tecnoloxía.
“Pretendemos que a difusión do documental sexa o máis ampla posible e dirixida a calquera tipo de público. Para iso, estará dispoñible en varios idiomas e contará con subtítulos e adaptación para discapacitados auditivos. Está previsto que a estrea oficial sexa a finais de novembro en Vigo e pretendemos celebrar diversos actos e coloquios sobre o seu contido, en colaboración con diferentes institucións, así como a súa difusión en canles de televisión”, explica Miquel Planas Oliver, científico do IIM-CSIC.
Os candidatos galegos a estes premios xa acumulan numerosos galardóns previos con outros traballos. Así Jorge Candan conta con tres Barandillas de Oro, que obtivo de xeito consecutivo en 2013, 2014 y 2015 con “Mar de un bosque encantado”, “Esencia de las mareas” e “El legado de las rías gallegas”, estes dos últimos patrocinados pola conserveira gallega Frinsa.
José Irisarri también obtivo o primeiro premio no 2011 por “O mar do fin do mundo” e Manuel E. Garci y Jorge H. Urcera (Bioimaxe) lograron a Barandilla de Prata con “O choco de Redondela” tamén no Festival de Donostia.